നിനു മോളെ, എണീക്കുന്നില്ലേ...?
ദാ വരുന്നുമ്മാ..
യോ ആറ് മണിയായല്ലേ...
നേരെ പ്രഭാതകൃത്യങ്ങള്‍ എല്ലാം കഴിഞ്ഞ്, മക്കളെയെല്ലാം സ്‌കൂളിലേക്ക് പറഞ്ഞു വിടുന്നത് വരെയുള്ള രണ്ടുമൂന്ന് മണിക്കൂര്‍ വീട്ടിലെ സ്ത്രീകള്‍ നടന്നു കൂട്ടുന്ന കാര്യങ്ങള്‍ ഒരുപക്ഷേ ഒരു സ്മാര്‍ട്ട് വാച്ച് കൈയിലുണ്ടെങ്കില്‍ എത്ര കിലോമീറ്റര്‍ നടന്നെന്ന് പറഞ്ഞു തരുവായിരിക്കും. അത്രയും ദൂരമാണ് അടുക്കളയില്‍ നിന്ന് അങ്ങോട്ടും ഇങ്ങോട്ടുമെല്ലാമായി ഈ സമയം കൊണ്ട് ഓടിത്തീര്‍ക്കുന്നത്.
ഹാവൂ, എല്ലാം കഴിഞ്ഞ് ഒന്ന് വിശ്രമിച്ചപ്പോഴാണ് മൊബൈലില്‍ ഒരു നോട്ടിഫിക്കേഷന്‍ കാണുന്നത്. നിങ്ങളുടെ മെഡിക്കല്‍ അപ്‌ഡേറ്റ് വന്ന് കിടക്കുന്നു. തലേ ദിവസം കഴിച്ച ഭക്ഷണത്തിലുള്ള പ്രശ്‌നങ്ങളും ആരോഗ്യ നിര്‍ദേശങ്ങളുടെയും ബ്രീഫ് അതിലുണ്ട്. ടോയ്‌ലറ്റ് പോലും സെന്‍സര്‍ ചെയ്ത് മെഡിക്കല്‍ വിവരം അപ്‌ഡേറ്റ് ചെയ്യുന്നതില്‍ സഹായിക്കുന്ന കാഴ്ച. നേരെ ഫ്രിഡ്ജ് തുറന്ന് കുറച്ച് തണുത്ത വെള്ളം കുടിക്കാന്‍ നോക്കിയപ്പോഴാണ് വീണ്ടും ഒരു അലെര്‍ട് വരുന്നത്, പ്രിഫര്‍ ഹോട്ട് വാട്ടര്‍, കാരണം നിങ്ങള്‍ക്ക് തൊണ്ടക്ക് ചെറിയ പ്രയാസം തുടങ്ങിയിട്ടുണ്ട്. മാത്രമല്ല, മറ്റൊരു ബീപ് സൗണ്ട് കൂടി കേള്‍ക്കുന്നു. നോക്കുമ്പോ ഫ്രിഡ്ജില്‍ വെച്ച പച്ചക്കറി പലതും ചീഞ്ഞിരിക്കുന്നു, അതെടുത്ത് മാറ്റാനായെന്നുള്ള സിഗ്‌നലാണ്.
അതിനിടക്ക് തിരക്കിനിടയില്‍ നിലത്ത് തൂവിയതോ, ആമി മോന്‍ ശ്ശി..ആക്കിയതോ ആയ ആരും കാണാതിരുന്ന വെള്ളമെല്ലാം മൂലക്കിരിക്കുന്ന മോപ്പ് വന്ന് തുടച്ച് വൃത്തിയാക്കി മൂലയില്‍ പോയിരുന്നിട്ടുണ്ട്. ഓഫീസില്‍ പോവാനായി മുറ്റത്തേക്കിറങ്ങിയപ്പോഴേക്കും കാര്‍ പോര്‍ച്ചില്‍ നിന്നും ഇറങ്ങി വന്ന് സെറ്റായിട്ടുണ്ട്. കൃത്യമായി ബ്ലോക്കെല്ലാം തരണം ചെയ്ത് ഓഫീസിലാക്കി പാര്‍ക്ക് ചെയ്തിട്ടുണ്ട്.
വൈകുന്നേരം ഇണകളും മക്കളെല്ലാം കൂടി സൂപ്പര്‍മാര്‍ക്കറ്റില്‍ പോവുകയാണ്. അവിടെ ചെന്നപ്പോള്‍ ഫ്രിഡ്ജില്‍ തീരാനായതും കഴിഞ്ഞതുമായ സാധനങ്ങളുടെ ലിസ്റ്റെല്ലാം വന്നിട്ടുണ്ട്. നല്ലൊരു ചോക്‌ളേറ്റ് എടുക്കാന്‍ നോക്കിയ നേരമാണ് ഷുഗറുണ്ട്, മധുരം സൂക്ഷിക്കുന്നത് നല്ലതാണ് എന്ന അലെര്‍ട് വരുന്നത്. തലേ ദിവസത്തെ ആരോഗ്യാവസ്ഥയും ശരീരത്തിലെ പ്രോട്ടീന്‍ മിനറല്‍സ് എല്ലാം പരിഗണിച്ച് ഇന്ന് ഏതെല്ലാം പാചകം ചെയ്യാമെന്ന നിര്‍ദേശവും വരുന്നു. അതു പ്രകാരം പാചകം ചെയ്യുന്നു.
ഇതെവിടെയോ ഉള്ള ഭാവനാലോകത്തുള്ള കാര്യം സംസാരിച്ചതല്ല, ഇന്റര്‍ നെറ്റ് ഓഫ് തിങ്സ് എന്ന നമുക്കിടയില്‍ വേണ്ട രീതിയില്‍ ആയി വന്നിട്ടില്ലത്ത സാങ്കേതിക വിദ്യ നമുക്ക് മനസ്സിലാക്കാവുന്ന ഒരു വേര്‍ഷനില്‍ പറഞ്ഞു നോക്കിയതാണ്. യഥാര്‍ഥത്തില്‍ ഇതിന്റെയെല്ലാ അനേകം മടങ്ങ് അഡ്വാന്‍സായ ടെക്‌നോളജി.
ഇലക്ട്രിക് കമ്പ്യൂട്ടര്‍ ബന്ധമുള്ള ഉപകരണങ്ങള്‍ തമ്മിലുള്ള പരസ്പരമുള്ള നെറ്റ് വര്‍ക്ക് സംവിധാനവും ഓട്ടോമേഷന്‍ സിസ്റ്റവുമാണിത്. അതായത്, ഇന്ന് നമ്മള്‍ മാന്വലി, കമ്പ്യൂട്ടറോ ഇന്റര്‍നെറ്റോ ഇലക്ട്രിക് സാമഗ്രികളുമായോ ബന്ധമില്ലാത്ത കാര്യങ്ങള്‍ പോലും കമ്പ്യൂട്ടറുമായും ഇന്റര്‍നെറ്റുമായി ബന്ധിപ്പിക്കുന്നതും ഇതിന്റെ ഭാഗമാണ്. ഒടുവില്‍ ഇതെല്ലാം ആര്‍ട്ടിഫിഷ്യല്‍ ഇന്റലിജന്‍സിന്റെ കൂടി സഹായത്തോടെ പരസ്പരം ബന്ധിതമായി അവക്ക് കിട്ടിയ ട്രെയ്നിങ് അനുസരിച്ച് പ്രതികരിക്കുന്നു.
ഇവിടെ മനുഷ്യനും - ഇന്റര്‍ നെറ്റും, ഇന്റര്‍നെറ്റും നമ്മുടെ ഭൗതിക സാമഗ്രികളും, മനുഷ്യനും നമ്മുടെ നെറ്റ് വര്‍ക്കിങ് സിസ്റ്റവും എല്ലാ പരസ്പര ബന്ധിതമായി പ്രവര്‍ത്തിക്കുന്നു. ഒരര്‍ഥത്തില്‍ പറഞ്ഞാല്‍ നമ്മെ സേവിക്കാനും ജീവിതം അനായാസമാക്കാനും എല്ലാവരും ഒരുമിച്ച് പ്രവര്‍ത്തിക്കുന്നു. ഒരുവേള നമ്മുടെ ഒരു ഓണ്‍ ലൈനോ ഓഫ് ലൈനോ പര്‍ച്ചേസ് പോലും ആവശ്യമുണ്ടോ ഇല്ലേ എന്ന നിര്‍ദേശം എ.ഐ. തരുന്നു.
ഇന്റര്‍നെറ്റ് ഓഫ് തിങ്സ് (IoT) ഒരു സങ്കീര്‍ണ സാങ്കേതിക വ്യൂഹമാണ്. യഥാര്‍ഥ ലോകത്തിലെ വ്യത്യസ്ത ഉപകരണങ്ങളെ ഡിജിറ്റല്‍ വ്യവസ്ഥയുമായി ബന്ധിപ്പിക്കുന്ന ഈ സാങ്കേതിക വിദ്യ മനുഷ്യ ജീവിതത്തിന്റെ വിവിധ മേഖലകളെ പുനരാവിഷ്‌കരിക്കുകയാണ്. സാങ്കേതിക വിദ്യയുടെ അതിവേഗ വളര്‍ച്ചയിലൂടെ കടന്നുപോകുന്ന ഇന്നത്തെ ലോകത്ത്, ഇന്റര്‍നെറ്റ് ഓഫ് തിങ്സ് അഥവാ IoT എന്ന സങ്കേതം വളരെ പ്രാധാന്യമര്‍ഹിക്കുന്നു.
ഐ.ഒ.ടി (IoT) അഥവാ ഇന്റര്‍നെറ്റ് ഓഫ് തിങ്സ് എന്ന് ഈ സാങ്കേതിക വിദ്യയെ വിളിക്കാം. IoT എങ്ങനെ പ്രവര്‍ത്തിക്കുന്നു? സെന്‍സറുകള്‍ ചുറ്റുപാടിലെ വിവരങ്ങള്‍ ശേഖരിക്കുന്നു. ആക്‌ച്വേറ്ററുകള്‍ സെന്‍സര്‍ ഡാറ്റ അടിസ്ഥാനമാക്കി പ്രവര്‍ത്തിക്കുന്നു. നെറ്റ്വര്‍ക്കിംഗ് ഉപകരണങ്ങളെ പരസ്പരം ബന്ധിപ്പിക്കുന്നു. ക്ലൗഡ് ഡാറ്റ സംഭരിച്ച് വിശകലനം ചെയ്യുന്നു. AI ഡാറ്റയില്‍ നിന്ന് വിവരങ്ങള്‍ വേര്‍തിരിച്ചെടുക്കുന്നു.
സെന്‍സറുകള്‍, സോഫ്റ്റ്വെയര്‍, നെറ്റ്വര്‍ക്കിംഗ്, ക്ലൗഡ് കമ്പ്യൂട്ടിംഗ് എന്നിവയുടെ സംയോജനമാണ് IoT. ഇത് ദൈനംദിന ഉപകരണങ്ങളെ ഇന്റര്‍നെറ്റുമായി ബന്ധിപ്പിച്ച് അവയ്ക്കിടയില്‍ ഡാറ്റ കൈമാറുന്നു. ഒരു സ്മാര്‍ട്ട്ഫോണ്‍ മുതല്‍ ഒരു ഫ്രിഡ്ജ് വരെ, ഒരു തെരുവു വിളക്ക് മുതല്‍ ഒരു കാര്‍ വരെ എല്ലാം IoT-യുടെ ഭാഗമാകാം.
IoT സാങ്കേതിക വിദ്യ വിവിധ വ്യാവഹാരിക മേഖലകളില്‍ മൗലിക മാറ്റങ്ങള്‍ കൊണ്ടുവരുന്നു. പരമ്പരാഗത വ്യവസായ രീതികളില്‍ നിന്ന് വ്യത്യസ്തമായി, IoT ഓരോ മേഖലയിലും കൂടുതല്‍ കാര്യക്ഷമത, കൃത്യത, മാനവിക ശ്രമം കുറയ്ക്കല്‍ എന്നിവയ്ക്ക് വഴിവയ്ക്കുന്നു.
IoT-യുടെ യഥാര്‍ഥ വിപ്ലവം മനുഷ്യ ഇടപെടലിലെ ഗുണപരമായ മാറ്റമാണ്. ഈ സാങ്കേതിക വിദ്യ മനുഷ്യരുടെ ജീവിത നിലവാരത്തെ സംഭാവനകളുടെ ലഭ്യത, കാര്യക്ഷമത, വര്‍ധനവ്, വ്യക്തിഗത ഇടപെടല്‍ എന്നിവയിലൂടെ മാറ്റിമറിക്കുന്നു.
IoT-യുടെ പ്രയോജനങ്ങള്‍ നിരവധിയാണ്. ഊര്‍ജം ലാഭിക്കുക, ഉല്‍പ്പാദനം വര്‍ധിപ്പിക്കുക, സുരക്ഷാ സംവിധാനങ്ങള്‍ മെച്ചപ്പെടുത്തുക, ഉപയോക്താവിന്റെ ആവശ്യങ്ങള്‍ക്കനുസരിച്ചുള്ള സേവനങ്ങള്‍ നല്‍കുക, ഉപകരണങ്ങളുടെ പ്രകടനം നിരീക്ഷിക്കുക എന്നിവയെല്ലാം IoT സാധ്യമാക്കുന്നു.
IoT-യുടെ വളര്‍ച്ച തടസ്സപ്പെടുത്തുന്ന പ്രധാന വെല്ലുവിളികളുണ്ട്. സൈബര്‍ സുരക്ഷാ ഭീഷണികള്‍, വ്യക്തിഗത ഡാറ്റയുടെ സ്വകാര്യത, സാങ്കേതിക വ്യവഹാര കുഴപ്പങ്ങള്‍ എന്നിവ ഈ മേഖലയുടെ വളര്‍ച്ചയില്‍ വലിയ തടസ്സങ്ങളാണ്.
IoT-യുടെ ഭാവി അത്യന്തം വ്യാപകവും വിപ്ലവകരവുമാണ്. വ്യത്യസ്ത ഉപകരണങ്ങള്‍ തമ്മിലെ വിപുലമായ ബന്ധിപ്പിക്കല്‍, കൃത്രിമ മനഃശാസ്ത്ര സംവിധാനങ്ങളുടെ ഏകീകരണം, മനുഷ്യ ഇടപെടലില്‍ കൂടുതല്‍ സൂക്ഷ്മ നിയന്ത്രണം മുതലായവ ഇവിടെ പ്രതീക്ഷിക്കാവുന്ന മാറ്റങ്ങളാണ്.
ഇന്റര്‍നെറ്റ് ഓഫ് തിങ്സ് വെറും ഒരു സാങ്കേതിക വിദ്യ മാത്രമല്ല, ഒരു സാമൂഹിക-സാങ്കേതിക വ്യൂഹമാണ്. അതിന്റെ അനന്തമായ സാധ്യതകളും ഗൗരവമായ വെല്ലുവിളികളും വ്യക്തിഗതവും സാമൂഹികവുമായ തലങ്ങളില്‍ പ്രതിഫലിക്കും. ഇതിന്റെ പ്രയോഗത്തില്‍ സന്തുലിതമായ കാഴ്ചപ്പാടും വിവേകപൂര്‍വമായ ഇടപെടലും അനിവാര്യമാണ്.
ചുരുക്കത്തില്‍, IoT എന്നാല്‍ ഇന്റര്‍നെറ്റുമായി ബന്ധിപ്പിച്ചിരിക്കുന്ന ഭൗതിക ഉപകരണങ്ങളുടെ ശൃംഖലയാണ്. ഈ ഉപകരണങ്ങള്‍ക്ക് സെന്‍സറുകള്‍, സോഫ്റ്റ്വെയര്‍, നെറ്റ്വര്‍ക്ക് കണക്റ്റിവിറ്റി എന്നിവ ഉണ്ടായിരിക്കും. ഇവ വഴി ഡാറ്റ ശേഖരിക്കാനും കൈമാറാനും സാധിക്കും. IoT സാങ്കേതികവിദ്യ നമ്മുടെ നിത്യജീവിതത്തെ കൂടുതല്‍ സൗകര്യപ്രദവും കാര്യക്ഷമവുമാക്കുന്നു. ഉപകരണങ്ങള്‍ തമ്മിലുള്ള ആശയവിനിമയവും വിവരകൈമാറ്റവും വഴി സ്വയം പ്രവര്‍ത്തനവും റിമോട്ട് നിയന്ത്രണവും സാധ്യമാകുന്നു. സ്മാര്‍ട്ട് ഹോം ഉപകരണങ്ങള്‍, വിയറബിള്‍ ഗാഡ്ജറ്റുകള്‍, സ്മാര്‍ട്ട് വാച്ചുകള്‍, സെന്‍സര്‍ നിയന്ത്രിത വ്യവസായ ഉപകരണങ്ങള്‍, സ്മാര്‍ട്ട് കാര്‍ സിസ്റ്റങ്ങള്‍ എന്നിവ ഇവയില്‍ പെടുന്നു.
